1news.uz — O'zbekiston Respublikasida xizmat ko'rsatgan yoshlar murabbiysi, yozuvchi Saydi Umirov  Bahrayndagi futbol bo'yicha yoshlar o'rtasida Osiyo chempionati chorakfinalida Jasur Abduraimov bosh murabbiyligida O'zbe­­kiston yoshlar terma jamoasi Eron futbolchilariga mag'lubiyatga uchraganini afsus bilan qayd etar ekan, xorijdan bir yilga emas, kamida 3-4 yilga aniq talab bilan murabbiy chaqirish bo'yicha taklif kiritgan.
Uning aytishicha, aslida futbolchilarimiz yaxshi o'yin ko'rsatishayotgan edi, ulardan umidimiz katta edi. “Ammo mas'uliyatli o'yinni boy berdik. Nazarimda, bunga ko'proq himoyadagi qo'pol xatolar, hujumchilarning sust­kashligi va jur'atsizligi sabab bo'ldi. Har doimgidek gol kutdik, gol uradigan azamat topilmadi. O'yinchilarimizda maydonda tez yugurish, tez fikrlash, tez ochilish, to'pni tez oshirish, golga tashnalik, mas'uliyatni zimmasiga olish etishmayotgandek tuyuldi. To'g'ri, futbolchilarimiz g'alaba haqida o'ylashgan, ammo orzuning o'zi bilan maqsadga etib bo'lmaydi. Buning uchun aynan kuch-g'ayrat, tezkor hujum, kutilmagan kombinatsiyalar kerak bo'ladi. Dunyo tajribasi shuni ko'rsatmoqda. Osiyo chempionatida mezbonlar — bahraynliklarni engib, jahon chempionati yo'llanmasini qo'lga kiritgan vetnamlik futbolchilar irodasi, jasoratiga qoyil qoldik. Ular nimaning hisobidan bunday g'alabaga erishdi, murabbiyi kim, tayyorgarlikni qaerda, qanday o'tkazishdi? Ilg'or tajribalarga qiziqaylik, o'rganaylik! Kerak bo'lsa, selektsiya ishlarini takomillashtiraylik, xorijdan bir yilga emas, kamida 3-4 yilga aniq talab bilan murabbiy chaqiraylik. Qachongacha armonda yuramiz?!”, – deb yozadi Umirov. Xabarning tafsilotlari bilan 1news.uz saytida ushbu havola orqali tanishishingiz mumkin.
— deya xabar beradi uff.uz nashri.