Bugun seshanba kuni. Roppa-rosa yana bir haftadan keyin Seul shahridagi "World Cup" stadionida Janubiy Koreya hamda O'zbekiston milliy terma jamoalari o'rtasidagi JCh-2018 musobaqasining Osiyo qit'asining saralash doirasidagi guruh bosqich 5-tur uchrashuvi bo'lib o'tadi.
Shu bilan birinchi davra o'yinlariga yakun yasaladi. Jamoalar kelasi yilning mart oyigacha ta'tilga chiqib ketishadi. Demak, Seuldagi o'yin shu yilning so'nggi rasmiy uchrashuvi bo'ladi. Undagi natija va guruhdagi o'rnimiz juda ko'p narsalarga oydinlik kiritadi.
Nima bo'lsa bo'lsin, ammo biz 3-o'ringa tushib ketmasligimiz kerak. Aks holda ikkinchi davrada etakchilarga eta olmaymiz.
To'g'ri, hali oldimizda Iordaniyaga qarshi o'rtoqlik uchrashuvi bor. 10 noyabr kuni Toshkentda o'tadigan o'yinda yana bir bora kamchiliklarnimizni bartaraf etishimiz mumkin. Ammo, Janubiy Koreyaga qarshi eng mukammal tarkib va jismoniy holat bilan borishimiz darkor. Boshqacha holatda ularga teng kela olmaymiz.
Hozirda Janubiy Koreya termasida ham ishlar unchalik yaxshi emas. Ularda ham xuddi Eron singari o'tish boshqichi va avlodlar almashinuvi amalga oshmoqda. Mana shundan foydalanishimiz kerak. O'zbekiston tarkibi ham har qachongidan kuchliroq ko'rinishga ega. Shunday ekan, buyog'iga futbolchilarimiz va murabbiylar shtabidan umid qilamiz. Termamiz bor salohiyatini ko'rsatishi shart!
Eslatib o'tamiz, o'yin soat 16.00da boshlanadi. Ushbu tur anonsi bilan tanishtirib o'tamiz: 5-tur 15.11.2016 B 15:35 Yaponiya -:- Saudiya Arabistoni A 16:00 Janubiy Koreya -:- O'zbekiston A 16:35 Xitoy -:- Qatar A 17:00 Suriya -:- Eron B 17:00 Tayland -:- Avstraliya B 20:20 BAA -:- Iroq
— deya xabar beradi uff.uz nashri.