Joriy mavsumda Angliya klublarida jahon miqyosidagi futbolchilar soni etarli bo'lmoqda, jumladan o'z qobiliyatlari darajasida o'yin ko'rsatmayotganlari ham.
Jon TERRI, «ChELSI»
So'nggi 4 yilda «Temir odam»ni kamida 4 marta nafaqaga kuzatishdi. Biroq har safar Terri futbolga xos oddiy sababni topmoqda: ajoyib o'yin ko'rsatyapti, mudofaani «betonlashtirib tashlayapti» va shu kabilar bilan «Chelsi»ga yangi-yangi zafarlarni keltirmoqda. Lekin Jon hozir 34 yoshda va uning karerasi nafaqat jurnalist va hasadchilar nazdida balki, chindan ham botmoqda.
Hatto bir paytlar Terrini «Barcha zamonlarning eng yaxshi himoyachisi» deb atagan Mourino ham uni asosiy tarkibga qo'shmayapti. Zero, mudofaaning navbatdagi vaziri - Kurt Zumaning davri keldi.
Sesk FABREGAS, «ChELSI»
«Chelsi»ning o'tgan yilgi zafari yana bir yaratuvchisi hisoblangan Sesk ko'klar o'yiniga shu darajada moslashtirildiki, u birinchi bahsdayoq jamoaga foyda keltira boshladi. «Chelsi»ning «arzandasi» etib esa Fabregas o'zini «tayinladi» va u bilan hech kim bahslasha olmayapti. Bir mavsumning o'zida 19ta (!) golli zarba berayotgan kishi bilan kim ham munosabatlarni buzgisi keladi. Buning ustiga bu zarbalarning hammasi faqatgina APLda bo'lsa.
Ammo joriy mavsumda faqat «Chelsi»gina emas, Sesk ham qiynalmoqda. Bir qarashda uning to'p uzatishlari avvalgiday - xuddi radio bilan boshqarilayotganday, shuningdek, jamoadoshlari ham faol ravishda ochilishyapti, biroq Fabregasning golli uzatmasi faqat bittagina, xolos. Umuman olganda, ispaniyalik maydon markazidagi vaziyatni ilgargiday to'la o'z nazoratiga olgan, deyish ham qiyin. Umuman olganda, Seskda o'zini yana ko'rsatish va vaziyatni o'nglash uchun vaqt etarli.
Vilfrid BONI, «MANChESTER SITI»
O'tgan yili ivuarlik forvard uchun «Manchester Siti» naqd 28 mln. funt sarfladi. «Suonsi» uchun ko'rsatgan ishonarli o'yinlari va natijalarini hisobga olganda, bu miqdor u darajada ko'p emasday ko'ringandi ham. Boni eng kamida avvalo, maydonda Jekoni almashtirishi, bu vazifa sharaf bilan uddalangach esa, Aguero bilan juflik hosil qilishi kerak edi. Ammo na o'tgan mavsumda va na bu yilgisida Vilfrid o'z darajasining 50 foizida ham o'yin ko'rsatolmadi. «Unga vaqt bering, jamoaga kirishib ketishga fursat ajrating», deb yalingandi bir paytlar Manuel Pellegrini.
Jeko «Roma»ga sotib yuborilganda Bonining muvaffaqiyatiga va, nihoyat, zamin hozirlanganday ham bo'ldi. Lekin u hamon o'zini ko'rsatolmayapti, gollari ham yo'q hisobi. Alal-oqibat, «Siti» skautlari oldiga yangi vazifa - Vilfridning o'zini almashtirish vazifasi qo'yilmasin-da...
Davomi InterFUTBOL gazetasi blogida.
— deya xabar beradi uff.uz nashri.