«Qizilqum» bilan kechgan o'yindan so'ng «Lokomotiv» futbolchilariga to'rt kunlik ta'til berilgandi. Jamoa a'zolari bugundan yana mashg'ulotlarni boshlashdi.
TTZdagi «Lokomotiv» stadionida o'tkazilgan mashg'ulotda ayni paytda klub tasarrufida bo'lib turgan futbolchilar ishtirok etishdi. Xabaringiz bor, O'zbekiston milliy terma jamoasining ikkita o'yini tufayli oliy ligada tanaffus yuzaga kelgan.
Hozirda to'rt nafar futbolchimiz terma jamoa ixtiyorida bo'lib turibdi. Shuningdek, Artur Gevorkyan Turkmaniston terma jamoasiga jo'nab ketgan.
«Lokomotiv» oliy ligada yuzaga kelgan tanaffusdan unumli foydalanish maqsadida 12 noyabr kuni «Qizilqum»ga qarshi o'rtoqlik uchrashuvi o'tkazadi. Oliy ligadagi navbatdagi tur bahsi esa 18 noyabrda «Metallurg»ga qarshi bo'lib o'tadi.
— deya xabar beradi uff.uz nashri.