«Barselona» yaqin kunlarda Luis Suares bilan yangi shartnoma imzolanganini ma'lum qilishi kutilmoqda.
29 yoshli futbolchi bilan imzolanadigan yangi shartnoma muddati 2021 yilga qadar davom etishi lozim. Shu bilan birga bu muddat yana bir yilga uzaytirilishi ko'zda tutiladi.
Suares 2014 yilda «Liverpul»dan «Barselona»ga o'tgan edi. Yangi shartnomaga ko'ra uning maoshi yiliga 25 million evro bo'lishi kutilmoqda. Eslatib o'tamiz, kataloniyaliklar bundan avval Serxio Buskets, Xaver Maskerano va Neymar bilan yangi shartnoma imzolagan edilar.
— deya xabar beradi uff.uz nashri.