Ertaga Toshkentdagi "Paxtakor" stadionida O'zbekiston hamda Iordaniya milliy terma jamoalari o'rtasida o'rtoqlik uchrashuvi bo'lib o'tadi. Oxirgi paytdlarda O'zbekiston milliy terma jamoasi ko'k libosda maydonga tushmoqda.
Shu o'rinda aniqlik kiritib ketsak: O'zbekistonning uy libosi rasman oq rang hisoblanadi. Buni butun dunyo biladi va u FIFA saytida ham ta'kidlab o'tilgan. Ko'k libos O'zbekiston termasining safar o'yinlar libosi hisoblanadi. Ammo, negadir, so'nggi paytlarda biz faqat ko'k libosda o'ynayapmiz, garchi uy maqomiga ega bo'lsak ham. Ranglarni mezbon jamoa tanlaydi.
Ruslarda "sueverniiy" degan ibora bor. Bu irim-sirimga ishonish deganini anglatadi. Achchiq bo'lsa ham aytishimiz kerak, milliy termamiz oxirgi o'yinlardagi libos tanlash masalasida "omadsiz oq rang" irimiga ishongandek tuyulmoqda.
Terma jaomalar markazidan shuni so'rab qolardik: chiroyli bo'lgan, ko'zimiz 15 yillardan beri o'rganib qolgan oq libosimizni ham kiyaylik. Axir u bizni asosiy "uy libosimiz" hisoblanadi. Nega unda milliy termamizdan tashqari barcha terma jamoalarimiz oq libosda o'ynab kelyapti? Buni AFC U16 va AFC U19 musobaqalarida ko'rdikku?! Aslida, biz va muxlis uchun rangning farqi yo'q. Shunchaki, to'g'ri protokolga amal qilaylik. Shunda tartib bo'ladi, natija ham o'zi keladi.
— deya xabar beradi uff.uz nashri.