Avval xabar berganimizdek, Jasur Abduraimov boshchiligidagi O'zbekiston U-22 terma jamoasi Xitoyda o'tkazilayotgan xalqaro o'rtoqlik turnirida ishtirok etmoqda.
Ushbu turnir doirasida O'zbekistonning dastlabki raqibi Meksika bo'ldi. Uxan shahridagi "Wuhan Sports Center" stadionida bo'lib o'tgan uchrashuv, meksikaliklarning 2:0 hisobidag'i g'alabasi bilan yakun topdi.
Ushbu xalqaro turnir doirasida O'zbekiston keyingi uchrashuvini musobaqaga mezbonlik qilayotgan Xitoy yoshlar terma jamoasiga qarshi o'tkazadi. O'yin 10 noyabr kuni, Toshkent vaqti bilan 16:35da start oladi.
O'zbekiston U-22 - Meksika U-22 0:2
8 noyabr 2016, "Wuhan Sports Center" stadioni
O'zbekiston: Dilshod Hamraev, Rustam Ashurmatov (s), Akramjon Komilov (Begzod G'anijonov, 81), Xurshid G'iyosov (Saidjamol Davlatjonov, 68), Dostonbek Tursunov, Jasurbek Yaxshiboev, Abdujamol Isroilov, Abbos Otaxonov, Dostonbek Hamdamov, Doston Ibragimov (Andrey Sidorov, 68), Zabixillo O'rinboev.
— deya xabar beradi uff.uz nashri.