Rossiyaning Botlix shahrida erkin kurash bo'yicha an'anaviy xalqaro turnir o'tkazildi.
Mazkur musobaqada Rossiya, O'zbekiston, Qozog'iston, Ozarbayjon, Tojikiston, Polsha, Ruminiya va Bolgariya davlatlari vakillari g'oliblik uchun kurash olib bordilar.
Qizg'in kechgan musobaqalar yakunlariga ko'ra hamyurtimiz Rashid Qurbonov (-74 kg) finalga qadar kechgan bellashuvlarni g'alaba bilan yakunlab, kumush medal sovrindori bo'ldi.
Ushbu vazn toifasida oltin medalni rossiyalik Gadji Nabiev qo'lga kiritgan bo'lsa, bronza medallar Magomed Ramazanov (Rossiya) va Daniyar Kaysanov (Qozog'iston)ga nasib etdi.
Eslatib o'tamiz, joriy mavsumda Rashid Qurbonov Osiyo chempionatida bronza medaliga sazovor bo'lgan edi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.