JCh-2018 musobaqasining saralash bosqich doirasidagi muhim o'yinlarga etib kelyapmiz. Yana 5 kundan keyin O'zbekiston milliy terma jamoasi Seul shahrida Janubiy Koreyaga qarshi guruh bosqich saralash uchrashuvida maydonga tushadi.
Ammo, ungacha Samvel Babayap shogirdlari Toshkentda o'rtoqlik o'yinini o'tkazishadi. Bugun Toshkentdagi "Paxtakor" Markaziy stadionida O'zbekiston hamda Iordaniya terma jamoalari o'rtasidagi bahs bo'lib o'tadi. Aslida, ushbu o'yinni tashkil qilganlar uchun minnatdorchilik bildirishimiz zarur. Zero, Seuldagi muhim o'yin oldidan kamchiliklarimizni bilib olamiz.
Bugun Afonin, Masharipov kabi futbolchilarni maydonda ko'rsak kerak. Katta ehtimol bilan Babayan etakchi futbolchilarni asosiy tarkibda tushirmasligi mumkin. Ular kerak bo'lsa zaxiradan maydonga tushish ehtimoli yo'q emas.
Nima bo'lgan taqdirda ham bosh murabbiy qo'l ostidagi eng kerakli futbolchiarni aniqlab olishimiz lozim.
Eslatib o'tamiz, o'rtoqlik uchrashuvi soat 17.00da boshlanadi. Barcha futbol ishqibozlarini ushbu o'yinni ko'rish uchun "Paxtakor" stadioniga chorlab qolamiz.  
— deya xabar beradi uff.uz nashri.