Poytaxtimizdagi 17-sonli umumta'lim maktabida “Biz sening farzandlaringmiz, O'zbekiston!” shiori ostida seminar-treningi bo'lib o'tdi. Yunusobod tuman hokimiyati tashabbusi bilan tashkil etilgan mazkur tadbirda Rio-de-Janeyroda bo'lib o'tgan XXXI yozgi Olimpiya o'yinlarining g'olib va sovrindorlari ham ishtirok etishdi.
Jumladan Oliimpiya o'yinlari chempioni va Olimpiya o'yinlarining rekordchisi Ruslan Nuriddinov, Olimpiya o'yinlari oltin medali sohibi Fazliddin G'oibnazarov, Olimpiya o'yinlari kumush medali sovrindori Shahram G'iyosov hamda Olimpiya o'yinlarining bronza medali egalari Rustam To'laganov va Murodjon Ahmadalievlar shu kuni o'z muhlislari qarshisida ularni qiziqtirgan ko'plab savollarga javob berishdi.
Tadbirdan ko'zlangan maqsad Toshkent shahridagi xalq ta'limi muassasalarida tahsil olayotgan yoshlar orasida ma'naviy-ma'rifiy va tarbiyaviy ishlarning samaradorligini yanada oshirish, kuzgi ta'til davrida ularning bo'sh vaqtlari mazmunli o'tkazilishini tashkil etishdan iborat bo'lib, tashkilotchilar o'z maqsadlariga erishishdi deb bemalol ayta olamiz.
Zero yurtimiz iftixorlari bilan suxbat jarayonida o'quvchi yoshlar bir olam taassurot olishdi. Olimpiyachilarimiz yosh muxlislarining har bir savollariga erinmasdan, batafsil javob berishdi. Ayniqsa o'zlarining birinchi ustozlari xaqida to'lqinlanib gapirishlari, qolaversa vatanga bo'lgan muxabbat, yagona maqsad yo'lida birlashish, mehnatdan cho'chimaslik, qo'lga kiritilgan yutuqlardan esa havolanib ketmaslik masalasida olib borilgan suhbatlarni o'quvchi yoshlar katta xayajon bilan tinglashdi.
Tadbir yakunida ishtirokchilar Olimpiya o'yinlari qahramonlaridan dastxat olish, ular bilan esdalik uchun suratga tushish imkoniga ega bo'lishdi.
O'zbekiston Milliy olimpiya qo'mitasi
matbuot xizmati
— deya xabar beradi uff.uz nashri.