«Barselona» rahbariyati hujumchi Lionel Messi bilan yangi shartnoma imzolash borasida ish olib bormoqda.
Kataloniyaliklar Messiga yaxshi bandlarga ega shartnoma taklif etish lozimligini yaxshi biladilar. Yaqinda ispan matbuotida bu borada ikki jihat e'lon qilingan edi. Unga ko'ra «Barselona» Messini sovrin va e'tiborga ega bo'lishi hamda o'zini klubda qulay his qilishini ta'minlashi lozim. Biroq shu bilan birga moliyaviy jihatdan ham hujumchining talablarini bajarishi shart. Chunki Messiga boshqa klublardan juda katta takliflar tushgan.
Shu sababli Messi yangi shartnomaga ko'ra yiliga 50 million evro maosh olishi kutilmoqda. Ushbu mablag' soliq qiymati bilan qo'shib hisoblangan.
Eslatib o'tamiz, Messining ayni vaqtdagi shartnomasi 2018 yilning yozida yakuniga etadi.
— deya xabar beradi uff.uz nashri.