«Manchester Yunayted» klubi sobiq himoyachisi Rio Ferdinand portugaliyalik hujumchi Krishtianu Ronalduni ilk bora ko'rgan kunini esladi. Ronaldu 2003 yilda «Sporting» tarkibida «Manchester Yunayted»ga qarshi o'rtoqlik o'yinida maydonga tushgan edi.
Ferdinand Nike firmasi butsasi taqdimotida Ronaldu bilan ko'rishdi va o'sha o'yindan qolgan taassurotlarni sobiq jamoadoshiga so'zlab berdi.
- Men o'sha kuni zaxira o'rindig'ida qolgan edim va dam olib o'tirgan joyimda Jon OShi senga qarshi o'ynashda qay darajada qiynalayotganini ko'rdim. Tanaffus vaqtida Jon bilan gaplashib oldim va undan nimalar bo'layotganini so'radim. U esa menga javoban: «Maydonga tushda, unga qarshi o'zing o'ynab ko'r», dedi. O'shanda men aslida nimalar ro'y berayotganini fahmladim va Aleks Fergyusondan seni sotib olishni so'radim.
Biz o'shanda Ronaldinoni sotib olishning uddasidan chiqa olmagan edik va bundan ancha xafa bo'lgandik. Ammo Ronalduni ko'rgach, u Ronaldinodan o'zib ketishini o'ylab qoldik, - deydi Ferdinand.
— deya xabar beradi uff.uz nashri.