O'zbekiston milliy terma jamaosi bosh murabbiyi Samvel Babayan Iordaniyaga qarshi bo'lib o'tgan o'rtoqlik o'yinidan so'ng o'z fikrlarini bildirib o'tdi.
"Yaxshi o'yin o'tkazdik. Juda ajoyib va yaxshi to'qnashuvni bo'ldi. Bu bahsda optimal tarkibni sinovdan o'tkaza olmadik. Chunki Marat Bikmaev va Aziz Haydarov biroz shamollab qolgani uchun ularning xizmatidan to'liq foydalana olmadik. Janubiy Koreya bilan bo'ladigan muhim o'yin oldidan o'z taktik rejalarimizni tekshirib oldik.
Afonin Rossiya chempionatida ajoyib mavsumni o'tkazmoqda. Vadim Afonin bugun juda yaxshi o'ynadi. Debyut uchrashuvi ko'ngildagidek bo'ldi.
Shukurovni o'ng qanot vingeri sifatida o'ynatishimizga tarkibdagi yo'qotishlar sabab bo'ldi. Shu bois Otabekni yangi joyda sinab ko'rdik. O'yiniga keladigan bo'lsak, uning yangi pozitsiyadagi harakatlarini endi tahlil qilib chiqamiz. Otabek Shukurov hozirgi kunda O'zbekistondagi eng iste'dodli va iqtidorli futbolchilardan biri sanaladi", - deydi Samvel Babayan.
Manba: championat.asia
— deya xabar beradi uff.uz nashri.