Madridning “Real” jamoasi hujumchisi Krishtianu Ronaldu joriy 2016 yil uning uchun professional faoliyatida eng yaxshisi bo'lganini aytdi. “Joriy yil men uchun professional faoliyatimdagi eng muhim va eng yaxshisi bo'ldi. “Real” bilan EChL g'olibi bo'ldim, Portugaliya bilan esa Evropa chempioniga aylandim. Bundan tashqari klub va Nike kompaniyasi bilan shartnomalarni uzaytirdim”, – dedi Ronaldu. Eslatib o'tamiz, dushanba kuni 31 yoshli futbolchi “Real” bilan kelishuvini 2021 yilgacha uzaytirdi. Shuningdek, Ronaldu Nike brendi bilan umrbor shartnoma imzoladi. 
— deya xabar beradi uff.uz nashri.