Almati shahrida Taekvondoning (WTF) yo'nalishi bo'yicha o'tkazilayotgan Qozog'iston Ochiq chempionatida mamlakatimiz vakillari tomonidan qo'lga kiritilgan medallar soni yana ikkitaga ko'paydi.
Qizlar o'rtasida bo'lib o'tgan musobaqada Go'zal Norboboeva va Zariya Qosimova o'z vazn toifalarida bronza medaliga sazovor bo'ldilar.
Shu tariqa, ikki kungi bahslar yakuniga ko'ra umumiy medallarimiz soni 7 taga etdi.
Eslatib o'tamiz, birinchi kun bo'lib o'tgan bahslarda hamyurtlarimiz 1 ta oltin, 2 ta kumush va 2 ta bronza medaliga sazovor bo'lishgan edi.
2016 yilgi Olimpiada o'yinlarining yo'llanmasi uchun kurash olib borayotgan terma jamoamizning ikki etakchisi, jahon chempioni Dmitriy Shokin hamda jahon vitse-chempioni Jasur Boyqo'ziev 28 oktyabr kuni bahs yuritadilar. Turnir g'olibi 10 reyting ochkosiga ega bo'ladi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.