Argentina terma jamoasi sobiq bosh murabbiyi Sesar Luis Menotti jamoa o'yin uslubini tanqid qildi. Eslatib o'tamiz, Argentina JCh-2018 saralashi doirasida Braziliyaga qarshi safarga kechgan bahsda 0:3 hisobida mag'lubiyatga uchragan edi.
O'yindan so'ng Argentina terma jamoasi etakchisi Lionel Messi «rasvo holatga tushib qolishgani»ni aytgandi.
- Argentina terma jamoasi o'yiniga tushuna olmayapman. U qanday hujum qilayotgani va qanday himoyalanayotganini tushunmayman. Uning o'yini meni tashvishga solmoqda.
Jamoa jahon chempionatiga chiqish uchun etarli salohiyatga ega, ammo juda yomon o'yin namoyish qilyapti. Shunga qaramay saralashdan o'ta olishimizga ishonaman, - deydi Menotti.
Eslatib o'tamiz, Argentina terma jamoasi JCh saralashida 11-turdan so'ng 16 ochko bilan musobaqa jadvalida 6-o'rinda bormoqda.
— deya xabar beradi uff.uz nashri.