Bugun «Metallurg» jamoasi sardori Hikmat Hoshimovning tug'ilgan kuni. Bu yilgi mavsumda oliy ligadagi o'yinlari soni bo'yicha 400-lik davonni zabt etgan, bu ro'yxatda kuchli o'ntalikdan joy olib turgan va hamon safda yoshlarni o'z ortidan ergashtirib, boy bilim hamda tajribalarini yosh futbolchilarga o'rgatib kelayotgan ajoyib himoyachi 37-bahorini qarshilamoqda!
“Metallurg” futbol klubi ma'muriyati, murabbiylar shtabi hamda barcha o'yinchilari nomidan Hikmat Hoshimovni tug'ilgan kuni bilan samimiy tabriklaydi. Unga uzoq umr, sihat salomatlik, oilaviy xotirjamlik tilaydi. Futbolchilik faoliyatida muxlislariga hali ko'p yillar unutilmas lahzalarni tortiq etishiga, eng asosiysi jarohatlarsiz, muvaffaqiyatli mavsumlarni o'tkazishini istab qoladi!
— deya xabar beradi uff.uz nashri.