“Bunyodkor” akademiyasiga qarashli maydonlarda faxriy futbolchilar o'rtasida respublika chempionatining yarim final o'yinlari bo'lib o'tdi. Dastlab maydonga “Nasaf” va “Qizilqum” faxriylari maydonga chiqishdi. Bu uchrashuvda qarshilik faxriy futbolchilar 2:0 hisobida g'alaba qozonishdi.
Undan so'ng maydonga “Bunyodkor” va “Qo'qon-1912” jamoalari faxriylari maydonda saf tortishdi. Bu uchrashuv birinchi yarim finalga qaraganda ancha shiddatli va tomoshabop bo'ldi. Har ikki jamoa tarkibida yaqin o'tmishning bir qator mashhur futbolchilari maydonda harakat qilishdi. Uchrashuvning birinchi bo'limida poytaxtliklar penaltidan hisobni ochishdi. Gol muallifi K. Agustin bo'ldi.
2-bo'limda jamoamiz faxriy futbolchilari raqiblariga jiddiy qarshilik ko'rsatishdi. Ayniqsa,  maydonda No'mon Xasanov, Samandar Meliboev, G'ayratjon Sharipov, Ma'murjon Mansurov va Muhiddin Abduvalievlar ancha faolliklari bilan  ajralib turishdi. Ketma-ket uyushtirilgan hujumlar nihoyat o'z samarasini berdi. Qanotdan uyushtirilgan hujumdan so'ng  G'ayratjon  Sharipov “Bunyodkor” darvozasini ishg'ol qildi. Uchrashuvning asosiy vaqti 1:1 hisobidagi durang bilan yakun topdi.
Shundan so'ng jamoalar final ishtirokchisini aniqlash uchun penaltilar seriyasini amalga oshirishdi. O'ziga xos futbol lotereyasida mezbonlarga omad kulib boqdi. Shunday qilib penaltilar seriyasida 4:2 hisobida imkoniyatni boy bergan faxriy futbolchilarimiz, uchinchi o'rin uchun Navoiylik faxriylarga qarshi maydonga chiqadigan bo'lishdi.
Uchinchi o'rin uchun bo'lib o'tadigan bahs bugun o'tkaziladi.
“Qo'qon-1912” faxriylari tarkibi: F. Musajonov, V. Umaraliev, M. Mansurov, A. Jonaliev, M. Abduvaliev, A. Ortiqov, N. Hasanov, A. Otajonov, S. Meliboev, G'. Sharipov, S. Shokirov.
Zaxira: U. Quvvatov, Sh. Jo'raboev, I. Mamadiev, A. Niyozov, N. G'ofurov, A. Ashurmatov, Z. Nurmatov.
— deya xabar beradi uff.uz nashri.