Qarshi shahridagi “Nasaf” klubi qoshidagi maydonlarda davom etayotgan Oliy va birinchi liga klublari futbol maktablarining 2000/2001 yillarda tug'ilgan futbolchilari o'rtasidagi O'zbekiston Birinchiligi davom etmoqda. Bugun Eldor Moyliev qo'l ostidagi 2000/2001 yillarda tavallud topgan futbol maktabimiz tarbiyalanuvchilari muboraklik tengdoshlari bilan yarim finalda bahslashishdi. Juda qiziqarli va kurashlarga boy tarzda kechgan uchrashuvda jamoamiz kichik 1:0 hisobida g'alaba qozonib, O'zbekiston Birinchiligi finaliga yo'llanmani qo'lga kiritdi. Uchrashuvdagi jamoamizning yagona golini 73-daqiqada Sardor To'raev kiritdi. Final yo'llanmasini qo'lga kiritish oson bo'lmadi. Yosh futbolchilarimizda g'alabaga bo'lgan ishtiyoq, shakllanib borayotgan kurashuvchanlik, murabbiylarimizning katta mehnati bu yutuqni qo'lga kiritishda asosiy omil bo'ldi. Endi yosh futbolchilarimiz finalda “Paxtakor” – “Bunyodkor” juftligi g'olibi bilan asosiy sovrin uchun kurash olib boradi. Jamomizga final uchrashuvida ham omad tilab qolamiz. Quyida uchrashuv qaydnomasini e'tiboringizga havola qilamiz. Tayyorlov guruhlari. 2000/2001 yillar, yarim final “Nasaf” (Qarshi) – “Mash'al” (Muborak) 1:0 (0:0) “Nasaf” FM maydoni. 10:00da Bosh hakam: Dauletbay Djalimov (Nukus) Yordamchi hakamlar: Bektursin Kannazarov, Jalgasbay Saersenov (Nukus) Zaxira hakami: Isxax Ibragimov (Nukus) Nazoratchi: I.V.Nexochin (Namangan) Gol: Sardor To'raev, 73’-1:0. “Nasaf”: 23.Abduvoxid Ne'matov, 4.Navro'z Saidov, 5.Behro'z Ravupov (18.Alpomish Mirov 55), 7.Abdulla Miyassarov, 8.Shohmalik Komilov, 10.Jamshid Abdullaev, 15.Nurbek Botirov, 16.Jasur Jumaev (s), 20.Sardor To'raev, 33.Nodir Egamberdiev (28.Shaxzod Erkinov 43). Zaxira: 12.Amirbek Lutfullaev, 14.Javohir Shokirov, 22.Abbos Jumaev, 27.Navro'z Safarov, 77.Abubakirrizo Turdialiev. “Mash'al”: 16.Rahim Abduqodirov (1.Dilshod Mustafoev 46), 18.Samandar Norqulov, 14.Islom Asilbekov, 3.Nurullo Yuldashev, 5.Behro'z Shaydullaev, 9.Aliyor Ne'matov (26.Shuhrat Rahimov 46), 8.Otabek Odiljonov (s), 7.Jamoliddin Uralov, 6.Bekzod Axmadjanov, 24.Davlatjon Mo'minov, 17.Mubashir Valiev. Zaxira: 20.Zoir Tursunov, 11.Abdumalik Norqobilov.
— deya xabar beradi uff.uz nashri.