Angliya chempionati vakili "Manchester Yunayted" klubi futbolchilarining o'rtacha yillik maoshlari 5.77 mln funtni tashkil etadi, hamda bu ko'rsatkich borasida "qizil iblislar"ga etadigan futbol klubi yo'q. GSSS analitiklari o'zlarining yillik hisobotida dunyoning 10 mingga yaqin sportchilarining (17 chempionat, 333 ta klub) maoshlarini hisoblab chiqdilar. Hisob-kitoblar shuni ko'rsatdiki, dunyo sportida eng ko'p maosh oladigan sportchilar basketbol klublarida ekan Klivlend Kavalers" (yiliga 6.54 mln funt) va "Los-Andjeles Klippers" (5.78 mln funt), shuningdek beysbol klubi "Nyu-York Yankiz" (5.81 mln funt). Futbolga keladigan bo'lsak, bu erda  "Yunayted"ga teng keladigani yo'q, Joze Mourino shogirdlari yiliga o'rtacha 5.77 mln funt yoki haftasiga 110 ming funt maosh oladilar. Shuningdek, kuchli o'nlikka kirgan boshqa klublar: "Barselona" (5.65 mln funt), "Manchester Siti" (5.42 mln funt), "Real" Madrid (5.05 mln funt), "Chelsi" (4.51 mln funt), "PSJ" (4.47 mln funt), "Bavariya" (4.16 mln funt), "Yuventus" (3.97 mln funt), "Arsenal" (3.70 mln funt) va  "Liverpul (3.01 mln funt).
— deya xabar beradi uff.uz nashri.