“Barselona” klubi rahbariyati hujumchi Luis Suares va yarim himoyachi Ivan Rakitich bilan yangi shartnomalar bo'yicha muzokaralarning yakuniy bosqichida bo'lib turibdi. Ikki futbolchi ham yil oxiriga qadar kelishuvga imzo chekadi. Suaresning yangi bitimi 2019 yilga qadar mo'ljallangan bo'lib, bu haqida kelasi haftadayoq rasman e'lon qilinishi mumkin. Rakitichga kelsak, u “Barselona”da uzoq muddatga qolish istagini bildirdi va uning vakillari kataloniyalik jamoa bilan muzokaralar olib bormoqdalar. Shundan so'ng “Barsa” Mark-Andre ter Stegen, Serji Roberto, Andres Inesta va Lionel Messi bilan yangi shartnomalar imzolamoqchi.
— deya xabar beradi uff.uz nashri.