“Manchester Siti” jamoasi darvozaboni Villi Kabalero sherigi Klaudio Bravoga Angliyada moslashish qiyin o'tayotganini aytdi. Chililik posbon yozda “Barselona”dan “Manchester Siti”ga kelib qo'shilgandi. “Bravo o'yinlardan zavq olmoqda. U har bir mashg'ulot va o'yinlarda tajriba orttirmoqda. Klaudioga Angliyada moslashish qiyin o'tmoqda, lekin u uddalayapti. Har bir futbolchiga dalda kerak deb hisoblayman. Uning butunlay moslashib ketishiga yana vaqt kerak bo'ladi”, – dedi Kabalero. 35 yoshli Villi Kabalero joriy mavsumda APLning 3 o'yinida maydonga tushib, 3 ta gol o'tkazib yubordi. Bravo APLda 8 ta o'yinda 7 ta gol o'tkazdi. 
— deya xabar beradi uff.uz nashri.