«Barselona» sobiq yarim himoyachisi Ronald de Bur kataloniyaliklar hujumchisi Lionel Messi haqida fikr bildirdi.
- Messi dunyo tarixidagi eng yaxshi futbolchimi? Ha. Men Kroyff va Pelening o'yinlarini ko'rganman, ammo men uchun Messi - ulardan-da buyukroq.
Leoni aslo Ronaldu bilan tenglashtirib bo'lmaydi. Messi kuchliroq, u ancha mukammalroq futbolchi. Krishtianu - to'purar va katta foyda keltiradi, ammo unda Messidagi kabi tug'ma iqtidor yo'q.
Messi - Ispaniya chempionati va Chempionlar ligasida o'z uyida va safarda o'tkaziladigan o'yinlarda eng yaxshi natija qayd etmoqda. Kuchli futbolchilar odatda 3-4 mavsum yaxshi o'ynaydilar. Messi esa 10 yildan buyon shunday saviya namoyish etib kelmoqda.
U hayotim davomida ko'rganlarim orasida eng kuchlisi, - deydi de Bur.
— deya xabar beradi uff.uz nashri.