Yozda Pol Pogba yangi transfer rekordini o'rnatdi, bebaho transferlar hech qachon progressdan to'xtamaydi. Biz esa, yuz berishi kutilayotgan yangi transfer sensatsiyalarini hikoya qilib o'tamiz. Felippe Koutino (“Liverpul”) Braziliyalik iqtidor “Enfild”da haqiqiy yulduzlik hissini tatib ko'rdi va olg'a siljishdan hech ham to'xtamayapti. Tasdiqlanmagan mish-mishlarga qaraganda, “qizillar” o'z etakchilari bilan xayrlashishga tayyor ekanliklarini bildirib o'tganlar. “Barselona”, “Real”, “PSJ” kabi klublar xavbek uchun 75 millionni qurbon qilishlariga to'g'ri keladi. Koutinoning ulkan mahorati va jahonni aqldan ozdirgan zarbalarini yodga oladigan bo'lsak, 75 million evro ushbu futbolchi uchun dahshatli narh emas. Pier-Emerik Aubameyang (“Borussiya D”) Dortmunding “Borussiya”si tengsiz to'purarini 80 million evrodan kamiga qo'yib yubormoqchi emas. Ushbu hujumchi uchun 80 millionni “nihoyatda ko'p” dersiz? “Yuventus” Iguain uchun 90 million evro to'ladi. Aubameyang argentinalik mergandan ko'ra ko'proq gol uradi va tezlik borasida ham hamkasbini dog'da qoldiradi. Gabonlik snayperning o'zi “Real”ga o'tish istagi borligini allaqachon ommaga ma'lum qilib bo'lgan. Ajablanarlisi shundaki, futbolchi Madriddan tushadigan taklifni kutarmikan yoki unga moliyaviy jihatdan ko'proq maosh beruvchi grandga o'tishga moyil bo'la olarmikan? Bu hozircha sirligicha qolmoqda. Usmon Dembele (“Borussiya D”) “Borussiya”ning navbatdagi istiqboli porloq o'g'loni ro'yxatimizdan joy olmoqda. Ammo ko'plab ekspertlarning fikricha, Usmon Dembele hali kelajakda jamoadoshi Aubameyangdan-da ko'ra yuksakroq futbolchi bo'lishi mumkin. Albatta, hozirning o'zidan top klublar ushbu futbolchi ortidan saf tortish niyatida emaslar, boisi futbolchi bor-yo'g'i 19 yoshda va ayni damda o'z tengqurlari ichida eng iqtidorli futbolchilardan hisoblanadi. Dortmundliklar Usmonni sotib olish uchun to'siqlarni oshib o'tishlariga to'g'ri keldi, lekin ular bahosida sezilarli o'sish yuz beradigan va aql bovar qilmas daromad keltiradigan arzon brilliantni xarid qilishdi.  Davomi Penalti.uz da 
— deya xabar beradi uff.uz nashri.