“Barselona” jamoasi hujumchisi Lionel Messi kataloniyaliklar bilan shartnomasini uzaytirmaslik istagini bildirdi. Bu haqda Marca nashri xabar bermoqda. Ma'lumotlarga ko'ra, Argentina terma jamoasi a'zosi ushbu qarorni yozda, oilasi bilan dam olayotganda qabul qilgan. U o'z otasidan “Barselona” rahbariyatiga kelishuvni uzaytirish istagi yo'q ekanini etkazishni so'ragan. Messi hatto shartnomasi yakunigacha “Barselona”da qolmasligi mumkin. Bundan xabar topgan klub prezidenti Xosep Mariya Bartomeu shokka tushdi va Messidan yakuniy qaror bo'yicha shoshilmaslikni so'radi. Eslatib o'tamiz, 29 yoshli hujumchining “Barselona” bilan amaldagi shartnomasi 2018 yilning yoziga qadar mo'ljallangan. 
— deya xabar beradi uff.uz nashri.