Bosniya va Gertsegovina terma jamoasi hujumchisi Edin Jeko Gretsiyaga qarshi kechgan va 1:1 hisobida yakuniga etgan o'yinni boshqarib borgan hakam Yunas Erikssondan norozi bo'ldi. Eslatib o'tamiz, uchrashuvning 79-daqiqasida Jeko raqib futbolchisining shortisidan tortgani uchun maydondan chetlatilgan edi.
- Men besabab qizil kartochka oldim. Meni nimaga maydondan chetlatishganiga tushunmadim.
Hakam barchasini men boshlaganimni aytmoqda. Ammo men maydonda yotgan bo'lsam, qanday qilib janjal boshlashim mumkin? Xuddi biz 0:3 hisobida yutqazgandekmiz.
Gretsiya hatto bir ochkoga ham haqli emas edi. Bu ham mayli, ular hatto 0:1 hisobidagi mag'lubiyatga ham munosib o'ynamadi. Gretsiya 0:4 hisobida yutqazishi kerak edi, - deydi Jeko.
— deya xabar beradi uff.uz nashri.