Ertaga o'yin. O'sha 2013 yilda o'tkazilgan JCh-2014 saralashidagi o'yindan keyingi ilk Janubiy Koreyaga safar qilishimiz. O'sha o'yin atrofida bo'lgani singari ajiotaj, qizg'in muxokamalar, tortishuvlar yo'q deyarli bu safar. Muhimlilik jihatidan aslo o'sha kungi o'yindan qolishmaydi bu safargi o'yin xam, o'sha kungi g'alaba xam bizni JCh ga deyarli olib chiqardi, ertangi g'alaba xam biz uchun JCh sari tashlangan katta qadam bo'ladi.
Ammo muxlislarda qandaydir terma o'yiniga ishonchsizlik kuchaygan. Termamizni oxirgi o'yinlarida taktikani deyarli yo'qligi, o'yinda murabbiylar “qo'li” sezilmayotgani xaqida ko'p gapirilyapti. Biroq bilamizki, yigitlar chin yurakdan o'ynashsa, maydonda borini berishsa, ancha-muncha termani mag'lubiyatga uchrata olamiz. Yana bir omil bor, jamoamiz o'z maydonidan ko'ra safarda yaxshi o'yin ko'rsata oladi. Shunday ekan ertangi o'yinda yigitlarimizdan faqat va faqat g'alaba kutib qolamiz. Shu birgina o'yindagi g'alaba bizni Osiyo miqyosida egallagan mavqeimizni butunlay ko'tarib yuborib, ayrim raqiblarimizni bizni mensimay bildirgan fikrlarini umuman o'zgartirib tashlaydi.
Olg'a, yigitlar!  Ishonchim komilki, bugun sizning g'alabangiz xaqidagi gaplarga “xaah” deb qo'l siltayotganlar, ertaga sizlar g'alaba qozonsangizlar, albatta sizlar tarafda bo'ladi. Sizning mag'lubiyatingiz uchun choyxona palovdan garov o'ynaganlar ertangi o'yinda faqat va faqat sizlar uchun muxlislik qiladi. Sizning g'alabangiz millionlab muxlislar uylarida katta xursandchiliklarga sabab bo'la oladi. Sizning g'alabangiz minglab o'ksik dillarni xursand qila oladi, bemor ko'ngillarni oz bo'lsada yorita oladi.
2016 yilda xalqimiz xursandchilikdan ko'ra qayg'uni ko'p boshidan o'tkazdi, ertangi g'alabangiz esa ushbu qayg'ularni oz bo'lsada unutishga yordam bergan bo'lardi. OBIDJON
— deya xabar beradi uff.uz nashri.