Janubiy Koreya - O'zbekiston o'yini bugun ko'pchilikning diqqat markazida bo'ladigan ko'rinadi. Mamlakatda chop etilayotgan gazetalarning aksariyati mazkur o'yin atrofida qalam tebratmoqda. Ular orasida xadiksirayotgan chiqishlar ham bor.
Yonhap va The Korea Herald nashri o'yin borasida fikr bildirar ekan "Koreya xalqi bugungi o'yindan xavotirda" degan qatorlarni ko'rish mumkin.
"Bosh jamoamizning natijasi Son Xin Min, Ki Son Yon va Li Chunlarning sport formasiga juda bog'liq.
Samvel Babayan boshchiligidagi O'zbekiston termasi Seulga kelishdan oldin Iordaniyani 1:0 hisobida mag'lubiyatga uchratdi. Ularning tarkibida koreyaliklarga tanish bo'lgan Server Jeparov bor. Key ligada 34 yoshli yarim himoyachi 20ta gol urib, 16ta golli uzatmani amalga oshirgan. U ikki marta Osiyoning eng yaxshi futbolchisi ham bo'lgan.
Bundan tashqari, Geynrix va Sergeevdek tezkor hujumchilari bor. Qanotlarda Sardor Rashidov ancha faollik ko'rsatadi.
Rossiya chempionatining "Krasnodar" jamoasida o'ynaydigan Odil Ahmedov bo'lsa markazda qo'rg'on vazifasini o'taydi. Bugungi o'yinda bizga oson bo'lmaydi", - degan so'zlarni o'qish mumkin Seulda chop etilayotgan nashrlarning sport rukni ostida berilayotgan xabarlarda.
— deya xabar beradi uff.uz nashri.