Bugun Samvel Babayan shogirdlari juda muhim o'yinda maydonga tushadi. E'tiboringizga, yurtimizning turli viloyatlari va chet elda yashovchi futbol muxlislarining o'yin oldi fikrlarini havola etamiz.
Shuhratbek Otajonov, Janubiy Koreya
Seulda havo harorati 9 daraja issiq. Quyosh nur sochib turibdi. Kutilayotgan uchrashuvga Koreyada qiziqish juda katta. Koreys matbuoti O'zbekiston MTJga asosiy raqobatchi, deya baho bermoqda. Televideniedagi sport ko'rsatuvlarida ham terma jamoamizni ijobiy va salbiy taraflari birma-bir tahlil qilinayotir. Jamoaning asosiy o'yinchilari – Server Jeparov  hamda Odil Ahmedov to'g'risida juda ko'p gapirishmoqda. O'yin oson bo'lmasligi aniq, deya taxminlar qilinayotgani raqib jamoa ham kuchli bosim ostida maydonga tushishidan darak berib turibdi.
Oxirgi paytlarda Koreya termasini o'yinini kuzatib shuni aytish mumkinki, ularda ham hammasi zo'r emas, nazarimda. Ular mezbon bo'lgani uchun hujumkor o'yin tashkil etishsa kerak. Bizda ularni qarshi hujumda ushlash imkoniyati ko'p bo'ladi. Agar 3-4 ta imkoniyatni birida gol urib olsak, yaxshi natija kutishimiz mumkin.
Janubiy Koreyada o'yinga chipta masalalarini hal qilgan tashkilotchilar har bir chiptaga yurtimiz bayrog'ini va futbolkalarni qo'shib berayotgani quvonarli hol. Taxminim 0-1.
Rahmatillo Hamzaev, Toshkent
- Bugungi o'yin muhimligi jixatidan futbolchilarimizga katta bosim yuklashi bor gap. Yana mehmonda, kuchli rakibga karshi uynaymiz. Raqib termasida kuchli chempionatlarda to'p suradigan legionerlar bor. Murabbiyi ham tajribali. Bularning barchasi bir bo'lib, futbolchilarimizga ruhiy bosim o'tkazishi mumkin. Agar bugun futbolchilarimiz kuchli raqib bilan  mehmonda durang uynab qayta olsa, men uchun g'alabadek tatigan bo'lar edi. Shunda futbolchilarimizga ham bosh murabbiyga ham: -  “Qoyil!” degan so'z degan so'z yarashishi tayin.
Abdumajid Qodirov, Qoraqalpog'iston
- Uchrashuvni biz muxlislar intizorlik bilan kutayapmiz-ku, futbolchilar qanday ahvolda ekan-a...
Ularni ham hayajon bosishi aniq, lekin bu holat nari borsa 10-15 daqiqa davom etadi. Mana shu vaqt mobaynida raqiblarni imkon darajasida darvozamizga yaqinlashtirmaslik zarur. Shundan so'ng koreyslar asabiylasha boshlaydi.
Sababi, stadionga kelgan muxlislar ulardan gol talab qila boshlaydi. Babayan o'yin avvalida “oddiy futbol falsafasi” (raqibga darvoza tomon zarba berdirmaslik)dan foydalansa bo'lgani. Yana o'z jarima maydonchamiz atrofida qoida buzmaslikka ham urinishimiz kerak. Menimcha, jamoamiz o'ziga berilgan ishonchni oqlab, Seuldan uch ochko bilan qaytadi. Elmurod Ermatov, Andijon
— deya xabar beradi uff.uz nashri.