Janubiy Koreya terma jamoasi biz uchun eng noqulay raqiblardan biri - bu aniq. Lekin hozir koreyslarni atigi bir marta yutganimizni eslatmoqchi emasmiz. Umuman, bu jamoadagi avlodlar almashinuvi jarayoni OFKning istalgan a'zosida havas uyg'otadi. Hattoki, yapon va forslar ham bunga havas bilan qarashadi. Mana, jamoamiz turnir jadvalida ilk bora koreys­lardan yuqorida turibdi. Bu bizga ma'lum ustunlik berishi, shubhasiz. Faqat, ruhiy ustunlik o'yin­da ham aks etishi kerak. Darvoza. JCh-2018 saralashining avvalgi o'yinlarida jamoa safida 4 nafar darvozabon maydonga tushdi. Lekin asosiy kiper tayin - 26 yoshli Kim Seung Gyu. Klubi - «Vissel Kobe» (Yaponiya). 1990 yil 30 aprelda tug'ilgan. Bo'yi - 191 sm. Milliy jamoa safida 21ta o'yin o'tkazgan va ularning 12tasida darvozasi daxlsizligini saqlab qolgan. E'tiborlisi, quruq o'yinlaridan 5tasi JCh-2018 saralashiga to'g'ri keladi. Seung Gyu o'yin davomida ortiqcha harakatlar qilmaydi, yuqori va va pastdan berilgan zarbalarni bartaraf etishda muammo sezmaydi.To'g'ri, darvozasi oldida «qaynoq harorat» yuzaga kelsa, himoyachilarni boshqarishda qiyinchilikka  uchraydi. Himoya. J.Koreya termasi himoyasida xilma-xillik kuzatilyapti. Saralash raundi doirasidagi 11ta o'yin­da jami 13 nafar himoyachi harakatlandi. To'g'ri, oxirgi 4ta bahsda yangi himoyachi sinab ko'rilmadi. Orqa chiziqning 3 nafar vakili maydonda loaqal bitta o'yinni to'liq o'tkazmagan. Kvak Te Xvi. 1981 yil 8 iyulda tug'ilgan. Markaziy himoyachi. Bo'yi - 186 sm. Klubi - «Seul». Milliy jamoa safida 56 marta maydonga tushib, 5ta gol urgan. Braziliya mundiali ishtirokchisi. Joriy saralash tsiklining 8ta o'yinida 650 daqiqa to'p surdi. Shunday saviyali futbolchining Evropada o'ynamagani tushunarsiz. Kim Ki Xi. 1989 yil 13 iyulda tug'ilgan. Markaziy himoyachi. Bo'yi - 187 sm. Klubi - «Shanxay Shenxua» (Xitoy). Milliy jamoaning 20ta o'yinida qatnashgan. London-2012 Olimpiadasi bronza medali sohibi. Ushbu saralash dovonining 5ta o'yinida maydonga tushib, 447 daqiqa harakatlandi. Yarim himoya. Koreyslar saralash bosqichining oxirgi 7ta o'yinida 11 nafar yarim himoyachiga tayanishdi. Ki Sun Yong. Jamoa sardori. 1989 yil 24 yanvarda tug'ilgan. Bo'yi - 187 sm. Klubi - «Suonsi» (Angliya). Terma jamoaning 88ta o'yi­nida qatnashib, 9ta gol urgan. JCh-2010 va JCh-2018 saralashlarida gol urgan. JAR va Braziliya mundiallari ishtirokchisi. Maydonni yaxshi ko'rishi, texnikasi, qisqa va kutilmagan «pas»­lari, yaxshi tezlik olishi bilan ajralib turadi. 2009 yildan Evropada o'ynamoqda. Joriy saralash tsiklining 10ta o'yini­da to'liq 90 daqiqadan to'p surdi. Davomi interfutbol.uz saytida.
— deya xabar beradi uff.uz nashri.