Italiyaning “Inter”, “Milan” va “Yuventus” klublarida to'p surgan italiyalik futbolchi Andrea Pirlo o'z vaqtida “Real”ga o'tish imkoniyati bo'lganini ma'lum qildi. Ammo “Milan” rahbariyati uni qo'yib yubormagan. “Har bir futbolchi “Real” safida to'p surishni istaydi. Afsuski, meni “Real” yoki “Barselona”ga qo'yib yuborishmagan. Lekin “Milan” safida 10 yil to'p surib, deyarli barcha sovrinlarni yutdim. O'shanda biz Evropaning eng kuchli klubi bo'lganmiz. Men Italiyaning eng yaxshi klublarida to'p tepganman”, – dedi Pirlo. Futbol “maestro”si nomini olgan Pirlo 1998–2001 yillarda “Inter” sharafini, 2001–2011 yillarda esa “Milan” sharafini himoya qilgan. Shuningdek, u 2011-2015 yillarda “Yuventus”da o'ynagan. Shunday keyin u MLS ligasining “Nyu-York Siti” klubiga o'tib, ayni vaqtda o'sha erda o'ynamoqda. 
— deya xabar beradi uff.uz nashri.