2016 yilda Toshkentda o'tkaziladigan futzal bo'yicha Osiyo chempionati final bosqichiga qur'a tashlash marosimi o'tkaziladigan sana ma'lum bo'ldi. Qur'a tashlash marosimi 2015 yilning 2 dekabr kuni, Toshkentdagi “Zarafshon” kino-kontsert saroyida o'tkaziladigan bo'ldi. Unda final bosqichida qatnashadigan jamoalar vakillari ishtirok etadi. Ayni vaqtda ushbu musobaqaning saralash bosqichi o'yinlari bo'lib o'tmoqda. Yaponiya, Eron va O'zbekiston terma jamoalari 2014 yili Vetnamda bo'lib o'tgan Osiyo chempionatida eng yaxshi natija ko'rsatgan jamoalar sifatida to'g'ridan-to'g'ri ushbu Osiyo chempionatining final bosqichiga yo'llanma olgan. Eslatib o'tamiz, Toshkent mezbonlik qiladigan Osiyo Chempionati 2016 yilning 9 — 21 fevral kunlari bo'lib o'tadi.
— deya xabar beradi uff.uz nashri.