Qadrli futbol ishqibozlari «InterFUTBOL» gazetasining seshanba sonida bir-biridan qiziqarli maqolalarni mutolaa qilishingiz mumkin. Esklyuziv materiallar, tahlil va suhbatlar  ham sizni befarq qoldirmaydi degan umiddamiz. Demak, gazetamizning 91-sonida nimalarni o'qish mumkin? - Favquloddalik fenomeni Juda qadim bo'lmagan zamonlarda bir podshoh fuqarolaridan xabar olish maqsadida soddagina kiyinib, mamlakati bo'ylab sayohatga chiqibdi. U yo'l yuribdi, yo'l yursa ham, mo'l yuribdi. Nihoyat, gavjum sartaroshxona oldida to'xtabdi. Dunyoning gapi sartaroshxonada «qaynashi»ni bilgan hukmdor ham oxirgi bo'lib, navbat kutayotganlar safiga qo'shilibdi. Podshoh kutganidek, sartarosh ustarasini abjirlik bilan ishlatish asnosida mijozlarga dadil-dadil so'zlar aytibdi. O'z o'rnida, barcha nuqul uning so'zlarini ma'qullabdi. Navbati etganda, sartaroshxonada podshoh va usta qolishibdi, xolos. Hukmdorning soch-soqolini olar ekan, usta so'z qotibdi... - Katta imtihon oldidan kichik repetitsiya O'zbekiston milliy jamoasi JCh-2018 saralashi uchinchi bosqichidan o'rin olgan Janubiy Koreya termasiga qarshi muhim uchrashuv oldidan o'ziga xos repetitsiya o'tkazib oldi. Raqib vazifasini Iordaniya termasi bajarib berdi. Aytish o'rinli, payshanba kungi bahs ko'p narsalarga oydinlik kiritdi. Birinchidan, futbolchilarning tayyorgarlik darajasi aniqlab olindi, ikkinchidan, Seulda kechadigan rasmiy o'yinga qaratilgan taktik ishlanmalar amalda sinab ko'rildi. Ha, bu galgi «o'rtoqlik» kutilganidek, katta qiziqish uyg'otmagandir, ammo har holda, e'tiborimiz markazida bo'ldi. Hozir shu haqda... - Odil AHMEDOV: «Maydonda nomlar emas futbolchilar harakat qilishadi» Milliy jamoamiz Seul shahrida Janubiy Koreya termasiga qanday qarshilik ko'rsatadi? Tabiiyki, bo'lajak o'yinga qiziqish juda yuqori. Bunga guruhdagi ayni holatni sabab sifatida ko'rsatish mumkin. Lekin har bir turdan so'ng umumiy vaziyat tamomila o'zgarib ketishi hech gap emas. Qolaversa, jamoamizning koreyalik futbolchilar bilan alohida hisob-kitoblari bor. Umidvormizki, vakillarimiz koreyslarga qarshi uchrashuvlarga bog'liq barcha noxush an'a­nalarga nihoyat, barham berishadi. Biz muhim o'yin oldidan terma jamoamiz sardori Odil Ahmedovdan eksklyuziv intervyu oldik. - Biz ustunmiz, demak, koreyslar hadiksirashsin… Janubiy Koreya terma jamoasi biz uchun eng noqulay raqiblardan biri - bu aniq. Lekin hozir koreyslarni atigi bir marta yutganimizni eslatmoqchi emasmiz. Umuman, bu jamoadagi avlodlar almashinuvi jarayoni OFKning istalgan a'zosida havas uyg'otadi. Hattoki, yapon va forslar ham bunga havas bilan qarashadi. Mana, jamoamiz turnir jadvalida ilk bora koreys­lardan yuqorida turibdi. Bu bizga ma'lum ustunlik berishi, shubhasiz. Faqat, ruhiy ustunlik o'yin­da ham aks etishi kerak... - Fahad al Mirdasiy biz uchun qanday…? Jahon chempionati-2018 saralashi uchinchi bosqichi doirasidagi Janubiy Koreya - O'zbekiston uchrashuvini Saudiya Arabistoni qirolligidan taklif etilgan hakamlar brigadasi boshqarib boradi. Bugun Seulda bo'lib o'tadigan o'yinda bosh hakam vazifasini Fahad al Mirdasiy bajaradi. Unga qanotlarda vatandoshlari - Abdulla Mutlaq al Shalvay va Muhammad al Abakriy yordam berishadi. To'rtinchi hakam - Turki Muhammad al Xudxayr. Hakamlar nazoratchisi vazifasiga BAA vakili Ali Muhammad Busaym tayinlandi. Komissar - Gutam Kar (Hindiston). Bilasiz, J.Koreya - O'zbekiston o'yi­ni «Seul Vorld Kap» arenasida Toshkent vaqti bilan soat 16:00da start oladi. Demak, o'z odatimizga ko'ra, Fahad al Mirdasiyning umumiy faoliyati va saudiyalik boshqa hakamlarning terma jamoamiz ishtirokidagi o'yinlarni qachon, qay tarzda bosh­qarishganiga to'xtalib o'tamiz. - Akmal TURSUNBOEV: «Andijon» Oliy ligada qolishi kerak» Oliy ligada navbatdagi mavsum yakunlanish arafasida. Biroq hozircha chempion va oliy ligani tark etadigan jamoa nomi ma'lum emas. Bu holat esa chempionatimizning qiziqarli kechayotganiga ishora. Autsayderlar qatorida borayotgan «Andijon» elitada joy saqlab qolish yo'lida «Qo'qon-1912», «Obod» va «Navbahor» jamoalari bilan bellashmoqda. Katta ehtimol bilan mana shu to'rt jamoadan biri kelasi mavsumni 1-ligada boshlaydi. E'tiborlisi, 29-turda «Obod» va «Andijon» o'zaro to'qnash kelishadi. Biz mazkur uchrashuv oldidan «Andijon» darvozaboni Akmal Tursunboevdan intervyu oldik. - To'rt «nomzod» va bir o'rin Bizning oliy ligada o'ziga xos bir jihat bor - odatda, chempionlikdan ko'ra elitada jon saqlash uchun kurash qiziqarliroq kechadi. To'g'ri, bronza medallarini qo'lga kiritishni istayotgan klublarning shashti ham anchagina baland, ammo baribir, kuchlilar safida qolish uchun boradigan kurashga teng keladigani bo'lmasa kerak. Garchi mavsum boshida «Sho'rtan» va «Obod» yaqqol autsayderga o'xshashgan va bu yil quyi ligaga tushib ketishga asosiy da'vogardek ko'ringan bo'lsalar-da, keyinchalik vaziyat ancha o'zgarib ketdi. Mana endi, mavsum yakunlanishiga ikki tur qolganida, oz emas, ko'p emas, naq to'rt klub birinchi ligada o'ynashga «da'vogar» bo'lib turishibdi... - Ognen KRASICh: «Nasaf»da uzoq qolishni istayman» «Nasaf» uchun joriy mavsum oson o'tmayapti. Garchi qarshiliklar kubok finaliga qadar etib borishdan tashqari, oliy ligada ham «kuchli uchlik» uchun kurashayotgan bo'lsalar-da, mavsumning dastlabki yarmi jamoa uchun ancha murakkab kechdi. Shunga qaramay, ikkinchi davrada biz yana avvalgi «ajdarlar»ni ko'rmoqdamiz. Yozgi tanaffusda klub tomonidan selektsiya ishlari to'g'ri yo'lga qo'yildi, bir qator futbolchilar taklif etildi. Natija ham o'zini ko'p kuttirmadi, «Nasaf»ning muvaffaqiyatli o'yinida ko'p jihatdan yangi kelganlarning ham hissasi bor. Ognen Krasich ana shunday o'yinchilar sirasiga kiradi. Davralar oralig'ida «Nasaf» tarkibiga kelib qo'shilgan serbiyalik legioner jamoa o'yinini kuchaytira oldi. Qiziq tomoni, Ognen bilan intervyu ajoyib xursandchilikka to'g'ri keldi - shu kuni Eldorbek Suyunovning nikoh to'yi bo'lib o'tdi. Bu esa, o'z-o'zidan, suhbat mavzusi biroz noodatiy boshlanishiga sabab bo'ldi. - Kontsertratsiyani yo'qotmaslik kerak! Mana, OFK miqyosidagi JCh-2018 saralashi uchinchi bosqichi 1-davrasi yakuniga ham yaqin keldik. Tan olish kerak, bu safargi saralash bahslari taktik kurashlarga boy o'tyapti. Natijada ko'proq hujumga intilgan jamoalar vakillari  kontsentratsiyani oxirigacha saqlab qololmayaptilar. 5-turda Xitoy va Iroq terma jamoalari yangi bosh murabbiy qo'l ostida nimalarga ulgurishganini kuzatamiz, nasib qilsa. Saudiya Arabistoni termasiga 2ta penalti tufayli yutqazgan iroqliklar yaponlarga qarshi bahsning qo'shimcha daqiqalarida gol qo'yib yuborib, durangni qo'ldan chiqargandilar. Ular bu safar o'zlariga teng raqib - BAA termasiga ro'baro' bo'lishadi. Umuman, barcha jamoalar uchun diqqatni bir joyga jamlab o'ynash vaqti keldi. - Faqat termada o'ynayman Mana, shu kunlarda FIFA taqvimiga ko'ra, butun dunyo milliy jamoalari JCh-2018 saralashidan o'rin olgan nav-batdagi bahslarda maydonga tushishmoqda.  Bilasiz, murabbiylar futbolning yozilmagan mezonlariga ko'ra, qaysidir o'yinchini milliy terma jamoaga taklif etish masalasida avvalo, uning klubdagi faoliyatiga e'tibor beradilar. Harqalay, klub futbolida samarali to'p surayotgan futbolchi ko'pincha mamlakat bosh jamoasi tarkibida ham ishonchni oqlaydi. Lekin «Bu - futbol, unda har qanday, hattoki, mantiqqa zid voqealar ham uchrab turadi» qabilidagi aqida bejiz paydo bo'lmagan. Quyidagi maqola (manba - championat.com) bilan tanishib chiqqach, bunga o'zingiz ishonch hosil qilasiz. - «Istanbul mo''jiza»sini eslaysizmi? Turkiyada o'tkazilgan ChL-2005|2006 finalida chinakam iroda kuchini ko'rsatgan «Liverpul». O'yin davomida 0:3 hisobida orqada borib, kubokni o'z tomonlariga og'dirishni uddalagan o'sha qahramon futbolchilar hozir qaerda? Tan olish kerak, Yurgen Klopp boshqarayotgan «Liverpul» ayni payt barchaning ko'zini birdek qamashtiryapti. Mana, «qizillar» 2014 yildan buyon birinchi marta yana APL karvonboshisiga aylanishdi. Afsuski, shunday jamoa ChLdan tashqarida. Ajabmas, Klopp va uning o'ziga o'xshash shogirdlari kelasi mavsum ChLga boshqacha chiroy bag'ishlasalar. Zero, ular uchun bu borada intiladigan cho'qqi yo'q emas. Demak, bugungi fotojamlanma ChL tarixidagi eng buyuk kambek (kamomadni yo'qotish)ni amalga oshirgan mo''jizakor jamoa vakillarining ayni payt nima bilan shug'ullanishayotgani haqida. - Dik ADVOKAAT: «Rossiya termasiga Denisov etishmayapti» Bu mutaxassis qo'l ostida Rossiya milliy jamoasi o'ziga yarasha yutuqlarga erishgan. Hozirda Turkiyaning «Fenerbaxche» klubida faoliyat yuritayotgan murabbiy «SE» muxbirlariga intervyu berarkan, Stanislav Cherchesov boshqaruvidagi termaning bugungi kundagi o'yinlarini baholab, kamchiliklar to'g'risida gapirdi. Shuningdek, Dik Advokaat rus o'lkasida ishlagan kezlari qatarliklar bilan qanday natija qayd etishganini hamon eslashini bildirdi. - Lionel Messi:«Barselona»da xudbinga o'rin yo'q» Jahon futbolining buyuk namoyandasi Lionel Messi navbatdagi intervyusida Luis Enrikening «Barselona»si Xosep Gvardiola tuzgan o'sha qoyilmaqom jamoadan nimasi bilan farqlanishiga to'xtaldi. Argentinalik yulduz shuningdek, hattoki, «poker» qayd etish imkoniyatiga ega bo'lsada, penalti tepish huquqini qaysidir jamoadoshiga muammosiz berishi sababini ham aytib o'tdi. - Ko'zoynak ham ziynat ZAMONAVIY FUTBOLDAGI ASOSIY KO'ZOYNAK TAQUVChILAR. 13 oktyabr kuni ko'rish qobiliyatini asrash xalqaro kuni nishonladi. Shu munosabat bilan sal kechroq bo'lsada, ko'zoynaksiz tasavvurimizga sig'maydigan eng yorqin futbol siymolarini sanab o'tamiz. - Futbol faunasi Aksariyat klublarga alohida laqab berilgan. Futbol dunyosida ayniqsa, hayvonot olami vakillari nomi bilan ta'riflanadigan klublar ko'p. Tabiiyki, har bir laqabning o'z tarixi ham bor. - Serxaridor Sardor! Evropa grandlarining «Rostov» klubi hamda Eron terma jamoasi iqtidorli hujumchisi Cardor Azmunga nisbatan qiziqishlari tobora ortyapti. Uning «Visente Kalderon»da urgan goli har qancha hayratlanarli bo'lmasin, qiziqishning asosiy sababi bu emas, albatta. Zero, chaqmoq kabi ahyon-ahyonda kuzatiladigan yorqin lavha nomdor jamoalarni chalg'itolmaydi sira. Boshqacha aytsak, katta klublar qaysidir transferni amalga oshirishda avvalo, nomzod futbolchining barcha fazilatlari va qobiliyatini sinchkovlik bilan o'rganib chiqishadi va shundan keyingina bir to'xtamga kelishlari mumkin. Ha, Madridda namoyish etilgan individual mahorat eronlik yigitning bahosini oshishiga xizmat qilishi tayin. Lekin alohida ta'kidlash kerak, o'sha, «Atletiko»-«Rostov» bellashuvidan oldin ham Sardor Azmunning xaridorlari ro'yxati ancha uzun edi. Davomi interfutbol.uz saytida.
— deya xabar beradi uff.uz nashri.