O'zbekiston terma jamoasi bosh murabbiyi Samvel Babayan Jahon chempionati saralashining uchinchi bosqichi, 5-turi doirasidagi Janubiy Koreyaga qarshi (1:2) o'yindan keyin matbuot anjumanida ishtirok etib, o'yin haqidagi fikrlari bilan o'rtoqlashdi. “Afsuski, natija bizning foydamizga bo'lmadi. Vaholanki, o'yin davomida yaxshi o'yin namoyish qilgandik, hisobda oldinda bordik. Yaxshi natijaga erishish uchun jipslashib o'ynadik. Bugungi o'yin uchun futbolchilarga minnatdorchilik bildiraman. Gol o'tkazib yuborilgan vaziyatlarni hisobgaga olmaganda, o'yindan oldin belgilab olgan barcha ishni amalga oshirdik. Bugungi o'yini orqali Janubiy Koreya Osiyoning eng kuchli jamoalaridan bir ekanini isbotladi. Mag'lubiyatga qaramay, Jahon Chempionati yo'llanmasi uchun imkoniyatni hali yo'qotmadik. Kim Shin Uk zaxiradan tushib, Koreya o'yinini kuchaytirishini bilardik. Bizning bo'yi eng baland futbolchimiz unga qarshi o'ynashi kerak edi. Afsuski, o'yinchimiz havodagi to'p uchun kurashda imkoniyatni boy berdi va shundan so'ng ikkinchi golni o'tkazib yubordik. Bu vaziyatda faqat uning o'zi aybdor emas. Kim Shin Uk bosh bilan to'pni sherigiga etkazgan vaziyatda qolgan qolgan futbolchilar to'p uchun kurashishlari va gol urgan futbolchini yopishlari kerak edi. Koreya Qatar darvozasiga xuddi shunday gol urgandi. Koreya terma jamoasida futbolchilar va murabbiylar almashsa-da, doim kuchli jamoa bo'lib qolaveradi. Bizda ham kuchli futbolchilar yig'ilgan. Bugun biz etarli qarshilik ko'rsatdik. Afsuski, biroz omadimiz kelmadi” – deydi Samvel Babayan.
— deya xabar beradi uff.uz nashri.