Janubiy Koreya terma jamoasi bosh murabbiyi Uli Shtilike JCh saralashi doirasida O'zbekiston terma jamoasiga qarshi kechgan o'yin haqida fikr bildirarkan, himoyasi kuchli jamoaga qarshi bahsda g'alabaga erishganlarini ta'kidladi.
- Bu o'yin oson kechdi, deb o'ylamayman, chunki O'zbekiston terma jamoasi oxirgi beshta o'yinda bittagina gol o'tkazib yuborgan edi. Biz juda himoyaviy o'yin namoyish qiladigan jamoaga qarshi maydonga tushishimizni oldindan his qilib turgan edik. Ammo endi men shogirdlarimdan juda xursandman, ular murakkab vaqtni ortda qoldira oldilar.
Garchi juda erta gol o'tkazib yuborgan bo'lsakda xotirjamlikni yo'qotmasdan to'p surdik. Va biz o'z o'yinimizni namoyish etib, g'alabani qo'lga kirita oldik. O'yinni biz nazorat qilib turdik, ammo ba'zidan vaziyatni yakunlashda nimadir etishmagani ham bor gap", - deydi murabbiy.
— deya xabar beradi uff.uz nashri.