Frantsiyaning “Nitstsa” jamoasi hujumchisi Mario Balotelli Italiya terma jamoasiga chaqirilishga doim tayyor ekanini ma'lum qildi. Balotelli 2014 yilning yozidan buyon mamlakat terma jamoasi safida to'p surmayapti. “Italiya terma jamoasiga chaqirilish? Terma jamoaga chaqirilishga doim tayyorman. Qulay fursatni kutyapman. Bosh murabbiy meni chaqirmayaptimi, demak boshqa nomzodlar bor. Lekin men chaqiruvga doim tayyorman”, – dedi italiyalik hujumchi. Ma'lumot uchun, Balotelli joriy mavsumda Frantsiya chempionatida 6 ta, Evropa Ligasida 1 ta gol urishga muvaffaq bo'ldi. 
— deya xabar beradi uff.uz nashri.