“Barselona” jamoasining sobiq yarim himoyachisi Gaiska Mendeta Krishtianu Ronaldu avvalgidek 4-5 raqibni aldab o'ta olmasligini aytib o'tdi. Shuningdek, u Madrid derbisi oldidan o'z fikrlarini aytdi. “Ronaldu avvalgidek 4-5 raqibni aldab o'ta olmaydi, gol ura olmaydi. Buni o'zi ham biladi. Uning maydnda o'ziga qulay bo'lgan zonalari mavjud. Iskoning Angliyaga qarshi o'rtoqlik o'yinida gol urgani Madrid derbisiga ta'sir qiladi. Modrich va Kasemiro yo'qligida Isko va Xames jamoa muvozanatini saqlab turishi kerak. Simeonega kelsak, u “Atletiko”da katta hajmdagi ishlarni amalga oshirdi. Uning sa'y-harakatlari evaziga “Real” Madrid derbisida doim favorit hisoblanmaydi. “Atletiko” “Real”ni o'z uyida ham, safarda ham yuta olishini ko'rsatgandi”, – dedi Mendeta. Eslatib o'tamiz, “Atletiko” – “Real” uchrashuvi 20-noyabrga o'tar kechasi 00:45 da start oladi. 
— deya xabar beradi uff.uz nashri.