Frantsiyaning “Nitstsa” klubi hujumchisi Mario Balotelli Italiya chempionatining 13-tur doirasida bo'lib o'tadigan “Milan” va “Inter” jamoalari o'rtasidagi o'yin oldidan o'z fikrlarini bildirib o'tdi.
“Qiziqarli o'yin bo'lishiga umid qilaman. Agar “Milan” yutsa, juda xursand bo'laman. “Inter”da ajoyib damlarni o'tkazganman. Meni tarbiyalagan jamoani hurmat qilaman. Ammo “Milan” har doim qalbimda qolishini ko'pchilik biladi. “Rossonerilar” safida yosh futbolchilar to'p surayotgani menga yoqmoqda. Jamoani kuchli murabbiy boshqarmoqda. Shu sabab milanliklar musobaqa jadvalining 3-pog'onasida bormoqda”, – deydi Balotelli.
“Milan” – “Inter” uchrashuvi 21 noyabr kuni bo'lib o'tadi.
— deya xabar beradi uff.uz nashri.