Ushbu bahs oldidan “Paxtakor” matbuot xizmati o'yinga oid ma'lumotlarni taqdim etdi.
Mazkur uchrashuvda mezbonlar tarkibda yo'qotishlarga duch kelishdi. Evgeniy Gogol, Diyor Turopov va Shohnazar Norbekov diskvalifikatsiya sababli o'yinda maydonga tusha olishmaydi. “Sherlar”da esa bunday yo'qotish mavjud emas.
Qarama-qarshilik
Oliy Ligada jamoalar 17 uchrashuv o'tkazishgan. Ulardan 12tasida “Paxtakor”, 2tasida “Olmaliq” zafar quchgan. 3 bahsda esa durang natija qayd etilgan. “Sherlar” 27 to'p kiritib, 10 gol o'tkazib yuborishgan. Olmaliqdagi bellashuvlarning 6tasida jamoamiz zafar quchgan bo'lsa, 2 bahsda mezbonlar g'alaba qozonishgan.
O'yin rasmiylari
Uchrashuvni Baxtiyor Namozov boshqaradi. U joriy mavsum “Qizilqum” bilan 2:2 hisobida yakunlangan o'yinda hakamlik qilgandi.
“OLMALIQ” – “PAXTAKOR”
Hakamlar: Baxtiyor Namozov (Toshkent), Rasul Fozilov (Namangan), Mo'min Majidov (Namangan), Akmal Rahimov (Andijon).
Nazoratchi: G'ayrat Karimov (Toshkent).
PFL vakili: Roman Chernikov.
Yoshlar tarkiblari 17 noyabr, payshanba kuni 14:30da “Metallurg” stadionida o'yinlarini boshlashadi. Asosiy jamoalar bahsi 18 noyabr, juma kuni 15:00da OKMK stadionida start oladi.
— deya xabar beradi uff.uz nashri.