Shotlandiyaning “Seltik” jamoasi bosh murabbiyi Brendan Rojers Stiven Jerrardning “Seltik”ka o'tishi mumkinligi haqidagi mish-mishlarga munosabatini bildirdi. “Futbolchilarning amalga oshishi mumkin bo'lgan transferlarini muhokama qilmayman. Hozir ham bu ishni qilmayman. Stiven ajoyib futbolchi ekanini ayta olaman. U bilan “Liverpul”da birga ishlaganimdan mamnunman. Yosh murabbiy sifatida o'ta tajribali futbolchi bilan o'ynash men uchun qulay bo'lgan. Jerrardning jamoamga o'tishi mumkinligi haqidagi mish-mishlar qaerdan chiqqanini bilmayman”, – dedi Rojers. Ma'lumot uchun, Jerrard va Rojers 3 yil davomida “Liverpul”da birgalikda ishlagan. Bir necha kun avval angliyalik futbolchi “Los-Anjeles Gelaksi” bilan kelishuvini uzaytirmaslikka qaror qildi. Yanvar oyida u erkin agentga aylanadi. 
— deya xabar beradi uff.uz nashri.