Biz birozdan keyin saytimizda taniqli bo'lgan Hasanali otaning Seuldagi o'yinning tahlilini e'tiboringizga havola etamiz. Undan oldin esa, otaning maqolalariga bildirilgan u kishining pochtalariga kelgan ayrim fikrlarga berilgan javoblarni havola etamoqchimiz.
Shunda hammasi tushinarli bo'ladi.
RIBERI
Kechagi o'yinni ko'rib bir bor hafa bo'lgan bo'lsam, jurnalistlarning o'yindan keyingi gaplarini eshitib besh battar hafa bo'ldim. Otaxon bularni "andavakashlar" deb yumshoq yozadilar. Inileevni eshitvurib charchadikku. U kishi to'g'ri gapni o'zigayam aytolmaydi. Murod Rizaev ham o'yin betiga loy chaplab, suvab, andavalab gapirdi. Eshiting, “O'yinchi almashtirishlari noto'g'ri bo'lgandur, balkim. Bilmadim”. Aytar gaping bo'lmasa, gapirma. Boshqalar gapirsin. Reportajni umuman eshitmagan yaxshi. “Birinchi bo'lim ikkinchi bo'limga o'xshamadi. To'g'ri, birinchi bo'limda ham raqibni maydon markaziga siqib chiqara olmadik. Himoyalanib o'ynadik.”
Otaxon, hafa bo'lmasinlar. Bu ahvolda hammamiz Evrofutbolga tikilamiz. Osiyo futboli dabdala. Karisu yaponlarni Braziliyada ko'ruvdik. Qayodigi Kosta Rika, Jazoir futboli oldida ular ip esholmaydi. Bizni oldimizda kerilishadi. Bulani yutish boshqalarga ish bo'bdimi? Biz ular oldida titrab o'ynaymiz. Karislar bizaga bitta gol sovg'a qilishdi. Shundayam yutqazib o'tiribmiz. Shuyam futbol bo'pdimi? Otaxon Beylning urgan gollarini ko'rib maza qilmaydilar shekilli. Mane "Liverpul"li gollarini kalla bilan urib ochib bergan edi. Vax, ko'rdilami? "O'zuzani" futbolni nimasini ko'radi u kishi.
REMZI
Otaxonni kabelniy antennasi yo'qdurda. Shuning uchun Evrofutbolni ko'ra olmaydilar. Eshituvdim. Nochor kiyinib yurar ekanlar. Oyoqda po'kak shippay, egniboshi shunga yarasha emush.
YOLDOSH
Ramziy deganlari otaxondan o'rnak olib inson shaxsiyatiga tegilib yozar ekan. Terma o'yiniga qaytaylik. Babayan Geynrixni maydonga tushirib noto'g'ri ish qildi. Geynrix himoyalanishga umuman e'tibor qaratmaydi. Geynrix 15 metrli, 15daqiqali o'yinchi. Raqami ham 15. Katta bo'sh masofada u ish bermaydi. Babayan to'pni, o'yinni markazga ko'chirmoqchi bo'ldi. Eng yaxshi himoya hujum degan gap borku. Bu bilan orqani ochib qo'yasanku, tez harakat qilishda karisladan orqada bo'lsak, o'z maydonimizda bo'shliqni yopishga ulgurmmaymizku. 2ta golni shunday qilib o'tkazib yubordik.
*****
Hasanali otaning javoblari:
Maqolamga munosabat bildirganlar men uchun begona emas ekanlar, dardimga befarq emas ekanlar. Rahmat. Riberi gaplariga ishonmayman. Klublarimiz o'yiniga befarq bo'lishi mumkin kimdir. Lekin termamizga befarq bo'la olmaydi. Garet Beyl men uchun ham bir jahon. Lekin Sardor Mirzaevni undan afzal ko'raman. O'zimizniki, tushunasizmi, o'z farzandimiz u. Sanjarning, Maratning otasi bilan suhbatlashganman. Beyl kim o'zi, kimning o'g'li? Biz uchun etti yot begona odam. Hech kim termamizga befarq bo'lmaydi. Futbolimizga ishqiboz bo'lish bu vatanparvarlik belgisidir. Termamiz g'alaba bilan qaytganida edi, ertasiga hamma ko'pchilik O'zbekiston bayrog'ini mashinasiga ilib qo'yishar edi. Endi esa...
Remzi haq gapirdi. Hasanali ham ommaviy odam bo'lib qolgan. Uning har bir gapi, egni boshi odamlarning diqqat markazida bo'ladi. Bu tabiiy hol. Hayotimizda tabaqalanish kuchli. Hamma martabasiga yarasha kiyinishi, shunga yarasha moshina minishi kerak. Man bunga amal qilmayman. Qulayini kiyaman. Men futbol ishqiboziman. Stadionda tabaqalanish yo'q. Hammamizni futbol teng qilib qo'ygan. Bunda shohu gado teppa-teng. Hammamiz ishqibozlarmiz. Masalan, o'yindan so'ng hamma jip-biblarini minib uyga ketishsa, Jalilov "Paxtakor"dan chiqib "Abay" ko'chasigacha piyoda ketadi. Termamizni deb hammamiz bir xilda kuyunamiz, bir xilda quvonamiz. Bizlarni bugun g'am birlashtirgan. Hammaning hasrati osmonga chiqqan bugun.
Maradona1986 yozganlarimni Siz o'qiganingiz uchun ham futbolimizga ishonaman. Rahbariyat qanchalar boshqacha bo'lmasin, ishqibozchilik harakati, ommaviy fikr juda muhum narsa. Futbol xalq o'yini. Butun o'zbek xalqi futbolimizga tikilib turibdi. Ularning dilidagi gaplarni o'z tilimda ommaga etqazib berishdek sharafli ishni bajarmoqdaman. Men  ichingizdan chiqqan bir ishqibozman.  Dilingizdagi gapni topa olmoqdaman, xolos. Sizlar bilan maslakdoshman. Stadionlarda sizlarga elkadosh, safdoshman. Bugungi kunda sizlar bilan hamdardman. Qayg'u meni ham qamrab olgan bugun.     
Janubiy Koreya - O'zbekiston o'yinini men sizga qo'lbola o'zbekona tahlil qilib beraman. Bir o'qing uni ... Hasanali otangiz
— deya xabar beradi uff.uz nashri.