"Manchester Yunayted" bosh murabbiyi Joze Mourino o'z skautlarini yana bir bor Mussa Dembelening o'yinlarini kuzatishga jo'natdi. Qishki transfer paytida "Seltik" hujumchisi Angliyaga ko'chib o'tishi mumkin. Daily Mail nashrining xabar qilishicha, "qizil iblislar" skauti Devid Friyo mahsus topshiriq bilan Frantsiya yoshlar terma jamoasining inglizlarga qarshi kechgan o'yinini kuzatgan. Bu uchrashuvda 20 yoshli futbolchi dubl qayt etgan. Malumotlar ko'ra, portugaliyalik mutahassis yosh iqtidor egasida, "Chelsi" dagi shogirdi Dide Drogbaga o'xshash tomonlarini ko'rmoqda. Dembelega shuningdek "Manchester Siti", "Arsenal", "Chelsi" va "Bavariya"klublari ham ko'z tikkan. Dembeleni yanvarda jamoaga olib kelish juda mushkul masala, chunki futbolchining o'zi "Seltik" safida mamlakat chempioni bo'lmoqchi. Biroq, "MYu"ning moliyaviy imkoniyatlarini hisobga olib aytadigan bo'lsak, Mourinoning taklifiga yo'q deyish Shotlandiya grandiga oson bo'lmaydi. Eslatib o'tamiz, o'tgan yozda Dembele 500 ming funt evaziga "Seltik" klubiga o'tgan edi.  Mussa Shotlandiya chempionatida etti va EChLda uchta golga mualliflik qilgan.
— deya xabar beradi uff.uz nashri.