Sobiq Ittifoq futbolini sharhlab kelgan afsonaviy sharhlovchi Kote Maxaradze hayot bo'lganida bugun 90 yoshga kirgan bo'lardi. Uni yoshi katta futbol ishqibozlari juda yaxshi eslashadi.
Uning sharhlari ostida bir nechta futbol avlodlari katta bo'lgan. U misli ko'rilmagan yumor egasi, o'yinni nostandart olib borishi va kerakli paytda kerakli gaplarni topa olishi bilan mashhur edi.
Uning o'zi aslida kinoaktyor bo'lgan, sharhlari bo'lsa haqiqiy spektakl bo'lib ketardi. Uni shunisi uchun muxlislar yaxshi ko'rishardi.
Maxaradzening so'nggi sharhi 2002 yilda bo'lgan. Aniqrog'i o'sha yilning 12 oktyabr kuni Tbilisidagi "Lokomotiv" stadionida Gruziya - Rossiya o'yini bo'lishi kerak edi. O'sha paytda bu ikki davlat o'rtasida siyosiy kelishmovchiliklar ayni avjiga chiqqandi.
O'yinni Kote Maxaradze sharhlashi kerak edi. Ammo, avariya tufayli butun stadionda elektr tarmog'i ishlamasdan qoladi. O'yinni boshqa kunga qoldirishadi. Sharhlovchilar kabinasida o'tirgan Maxaradze bu voqeani judayam yaqin yuragiga oladi va o'sha kechasi insultga chalinadi. Oradan ikki oy o'tib hayotdan ko'z yumadi.
U futbolni butun qalbidan o'tkazgan edi...
— deya xabar beradi uff.uz nashri.