"Liverpul" klubi bosh murabiyyi Yurgen Klopp ushbu haftada Ueyn Runi ishtirokida sodir bo'lgan mojaro to'g'risida fikr bildirib o'tdi. "Men futbolchilarni tushunaman. Biz hammamiz hayotning yorqin tarafidamiz, o'zimizga yoqgan ishni qilamiz, ammo bizda ham insonlarga xos hususiyatlar mavjud. Ba'zida bizni tug'ilgan kun yoki nikoh to'ylariga taklif etadilar, biz u erda  professionallarga xos ravishda ichish va chekishdan bosh tortamiz. Ammo shaxsiy hayotda bunday bo'lmaydi. Siz sevgan va kumiringizga aylangan barcha afsonaviy futbolchilar aqldan ozguncha ichishar va tentaklardek chekishar, ammo yaxshi o'yinchi bo'lib qolaverishar edi. Hozirgi kunda esa bunday ishlarni hech kim qilmaydi. Biz noto'g'ri vaqtda noto'g'ri joyda bo'lib qolsak, bu boshqalarga yomon ko'rinadi, ammo bu voqeaga jiddiy qaramaslik kerak. Agarda biz mukammallikdan ozgina yiroqlashadigan bo'lsak, bundan fojea yasaydilar, ammo bu noto'g'ri", — deya Klopp so'zlarini keltirmoqda Sky Sports nashri. Eslatib o'tamiz, Runi Angliya terma jamoasi yig'ini paytida spirtli ichimliklar iste'mol qilgan va keyinchalik bu qilmishi uchun hammadan kechirim so'ragan.
— deya xabar beradi uff.uz nashri.