«Seltik» bosh murabbiyi Brendan Rojers «Nitstsa» hujumchisi Mario Balotelli bildirgan ayblovga javob qaytardi. Murabbiy «Liverpul»ni boshqargan vaqtda Balotelli ushbu jamoa safida bo'lgan va hujumchi uni eng yomon murabbiyi deb atagandi.
- Balotelli mutlaqo haq bo'lishi ham mumkin. Men shunchaki u bilan gaplashib olishning ham uddasidan chiqa olmaganman.
Uning «Liverpul»ga o'tishi klub uchun katta tavakkal edi. Bu transfer natijasida iqtidorli futbolchi jamoaga kelgandi, ammo uning kuchli qirralarini ochib berish ham talab qilinardi.
Balotelli imkon qadar yaxshi o'ynashga intildi, ammo undan kutilgan o'yindan ancha uzoq edi. Agarda u o'z iqtidori darajasida mashg'ulotlar vaqtida ham ishlay olganida, dunyoning eng kuchli futbolchilaridan biri bo'lardi.
Umid qilamanki u o'z jamoasini topa olgan. Balki Frantsiya chempionati Balotelli uchun berilgan oxirgi imkoniyatdir, - deydi Rojers.
— deya xabar beradi uff.uz nashri.