Italiyaning “Roma” jamoasi “Manchester Yunayted” hujumchisi Memfis Depayni ijaraga olish istagini bildirdi. Bu haqda Corriere dello Sport ma'lum qilmoqda. “Roma” qishda Afrika Millatlar Kubogida Misr termasida ishtirok etish uchun klubni tark etadigan Muhammad Salaxning o'rnini bosa oladigan futbolchi izlamoqda. Gollandiyalik yosh iqtidor esa “MYu”ning o'yinlarida deyarli ishtirok etmayapti va rimliklar bundan foydalanib qolmoqchi. “Qizil iblislar” Depayni ijaraga berishga qarshi emas, ammo “Roma” keyinchalik uni sotib olish sharti bilan olishini istamoqda. Eslatib o'tamiz, Memfis Depay 2015 yilda £ 28,9 mln funt evaziga “PSV”dan “MYu” safiga qo'shilgandi. 
— deya xabar beradi uff.uz nashri.