«Barselona» rahbariyati jamoa boshqaruviga yangi nomzod qidirishni boshladi. Agar ayni vaqtdagi bosh murabbiy Luis Enrike jamoa bilan yangi shartnoma imzolamasa, uning o'rnini bosadigan murabbiy qidirilmoqda.
«Barselona» rahbariyati Luis Enrikening ishidan mamnun va unga yangi shartnoma taklif etmoqda. Ammo murabbiy hozircha shoshilmayapti va faqat bahorga chiqib javob bermoqchi. Eslatib o'tamiz, Enrikening shartnomasi muddati mavsum oxirida yakuniga etadi.
Agar Luis Enrike jamoadan ketishga qaror qilsa, Uning o'rnini katta ehtimol bilan yordamchisi Xuan Karlos Unsue egallashi kutilyapti. Eslatib o'tamiz, Unsue ilgari «Numansiya» va «Rasing» boshqaruvida ishlagan.    
— deya xabar beradi uff.uz nashri.