“Liverpul” klubi hujumchisi Daniel Starrij qishki transferlar mavsumidan so'ng faoliyatini boshqa chempionatda boshlashi mumkin. Calcio Mercato Web nashri tarqatgan xabarga ko'ra, 27 yoshli futbolchiga “Milan” qiziqish bildirmoqda.
“Rossonerilar” futbolchi uchun 30 million evro berishga tayyor. Biroq mazkur transfer Karlos Bakka jamoani tark etgandagina amalga oshirilishi mumkin.
Starrijga shuningdek, “Tottenxem”, “Stok Siti” va “Vest Xem” jamoalari ham qiziqish bildirgan. Uning “qizillar” bilan tuzgan amaldagi shartnomasi 2019 yilda yakuniga etadi.

— deya xabar beradi uff.uz nashri.