Taniqli futbol mutaxassisi Alisher Nikimbaev «Feysbuk» ijtimoiy tarmog'ida o'zbek klublarining kelasi mavsumda OChLning pley off bosqichida kimga qarshi maydonga tushishi haqida fikr bildirdi.
- «Lokomotiv» - chempion. «Bunyodkor» - vitse chempion. Demak «Nasaf» O'zbekiston Kubogi finalida qanday natija qayd etilishidan qat'iy nazar Chempionlar ligasida o'ynaydi. Ammo «Nasaf» va «Bunyodkor» Chempionlar ligasi saralashida qaysi klubga qarshi maydonga tushishi aynan O'zbekiston Kubogi finalidagi natijaga bog'liq.
Klublarimizdan biri OChL pley-off bosqichida Qatarda «Al Jaish»ga qarshi maydonga tushishi lozim. Boshqasi esa Saudiya Arabistonining «Al Fath» klubiga qarshi o'ynaydi.
«Nasaf» finalda g'alaba qozonsa Qatarga yo'l oladi. Mag'lubiyatga uchragan taqdirda Saudiya Arabistoniga borishi lozim.
Albatta bu holat shu bilan birga Iroq klublari oxir-oqibat litsenziyalashdan o'ta olmasligiga ham bog'liq, - deydi Alisher Nikimbaev.
— deya xabar beradi uff.uz nashri.