APL  televizion translyatsiyalar huquqini sotish bo'yicha Xitoyliklar bilan yangi shartnoma tuzishga erishdi va bu kelishuv avvalgisidan 12 martta qimmat bo'ladi. Xitoyning Suning kompaniyasi Premer-Liga o'yinlarini 2019/20 mavsumidan boshlab 3 yil mobaynida translyatsiya qilish huquqini sotib oldi. Bu kelishuv xitoyliklarga 700 mln dollar (564 mln funt)ga tushdi. The Guardian nashrining xabar berishicha, kelishuv amalga oshirilgan, ammo hali rasman tasdiqlanmagan. Eslatib o'tamiz, oxirgi vaqtlarda Xitoyda ingliz futboliga bo'lgan qiziqish sezilarli darajada ortgan. Avgust oyida "Vest Bromvich" xitoyliklar qo'liga o'tgan APLdagi ilk klub bo'ldi.
— deya xabar beradi uff.uz nashri.